Með myndrænum hljóð-innsetningum sínum rannsakar Dodda Maggý margslungið listrænt tungumál tímatengdra miðla. Hún leitast við að sýna innri víddir drauma, minninga og ímyndunar í gegnum innsetningar, vídeó, tónlist, hljóðverk og hreyfimyndir. Prentverk hennar endurspegla enn fremur nýjar útfærslur á skynrænu ferli listamannsins, en Dodda Maggý á að baki yfirgripsmikinn feril innan myndlistar og tónsmíða.