Sigurður Guðjónsson er þekktastur fyrir tímatengd verk sem rannsaka manngerð tæki og úrelta tækni, í tengslum við eðlislæga þætti þeirra. Með því að tengja saman mynd og hljóð með kraftmiklum hætti, skapa marglaga verkin sterka upplifun hjá áhorfandanum. Í gegnum tilraunir sínar með linsur, sjónarhorn, ljós og hreyfingu má greina hægfara ummyndun í verkum hans. Flókinn hljóðheimur er ennfremur undirstaða margra verka Sigurðar, þar sem hann dregur fram hljóðeinkenni sjónrænna ransókna sinna, og skapar fyrir vikið sterkari tengingu við viðfangsefnið.