Listrænn ferill Björns Roth (1961-2025) hófst með tilraunakenndum, sjónrænum tónlistargjörningum í lok áttunda áratugar síðustu aldar og þróaðist fljótlega í umfangsmikið og náið samstarf með föður hans, Dieter Roth, einum áhrifamesta myndlistarmanni síns tíma á alþjóðlegum vettvangi. Frá andláti Dieters fyrir rúmum tveimur áratugum vann Björn jöfnum höndum að eigin listsköpun samhliða áframhaldandi þróun viðamikilla innsetninga og annarra sameiginlegra verka þeirra feðga.