Hiraeth er velskt orð sem erfitt er að þýða beint - merking þess er; djúp, tilfinningaþrungin þrá eftir heimili sem kannski aldrei var til, eða sem hefur glatast , er óafturkræft.
Það er einnig titill sýningar þar sem koma saman 31 meðlimir Félags íslenskra samtímaljósmyndara (FÍSL) sem hver um sig sýnir verk sem á einhvern hátt tengist þessu þema, þeirra á meðal er Katrín Elvarsdóttir. Þau verk sem valin hafa verið kanna tilfinningar eins og; minni, að heyra til, fjarveru og ímyndaða þægindastaði - bæði persónulega og sameiginlega.

Sýningin spannar landslag, andlitsmyndir og óhlutbundnar hugleiðingar. Sýningin skapar rými fyrir fjölbreytt en tengt sjónrænt samtal um hvernig við berum staði og tilfinningar með okkur og hvernig við leitum heim í tíma og rúmi.
Sýningarstjóri er Yael BC og sýningin stendur til 26. júlí 2025.

Frekari upplýsingar má nálgast í þessum hlekk.